కవిత స్రవంతి

గతుకుల బతుకు పుస్తకం

రచన :- పి .పద్మావతి. ఎం .ఎ. తెలుగు పండిట్ .
రచయిత్రి ,గాయని ,ఆధ్యాత్మిక ప్రవచకురాలు .

నే చదవని బతుకు పుస్తకం
చదువుదామని
గతుకుల బతుకు పుస్తకం తెరిచాను
నా చేయి తగలగానే
అట్ట ఉడిపోయింది
పేదవాడి బతుకులాగా
అట్టతో మనకేం పనిలే అనుకోని
ముందుమాట చదువుదాం అనుకున్న
ముందుమాట అసలేలేదని
రెండు పేజీలు తిరగేస్తే తెలిసింది
పోనిలే పరిచయపత్రం అన్నా
చదవాలి అనుకున్న
గతుకుల బతుకు పుస్తకానికి
పరిచయపత్రం ఒకటా అని
నా మనసు పగలబడి నవ్వండి
అలా కాదని అసలు విషయానికి వస్తే
విషయమేలేదు అందులో
చదువుతూవుంటే
అదంతా నా కధలాగే ఉంది
ప్రతి పేదవాడి బతుకు
ఒకేలాగా ఉంటుందని
అప్పుడే నాకు తెల్సింది
బతుకు పుస్తకం మూసి
బరువుగా తలవాల్చాను

రామాయణ స్రవంతి

సుందరకాండ

రచన :-పి .పద్మావతి శర్మ .ఎం .ఎ . తెలుగుపందిట్ .

రచయిత్రి ,గాయని ,ఆద్యాత్మిక ప్రవచకురాలు .


*సుందరమైనది సుందరకాండ
సుమధురమైనది సుందరకాండ

1. సీతను వెతకుచు వానరసేన
నలుదిక్కులను జల్లెడపట్టెను
మాతనుకానక కపివరజనులు
మహేంద్ర గిరిని చేరిరివారు // సుందర //

2. జటాయు సోదర సంపాతి గాంచి
విషయమేమని అడిగేనువారిని
జరిగినదానిని అతనికి తెలుప
దూరదృష్టితో సీతను కనుగొనే// సుందర //

3. దక్షిణ దిక్కున సంద్రమావల
లంకానగరము రావణనిలయము
రావణుడామెను లంకకు కొనిపోయే
రాక్షసరాజు అకృత్యముగా // సుందర //

4. అన్నియోజనములసంద్రము దాటుట
ఎటులో తెలియక కలవరపడిరి
అంజనిపుత్రుడు అది దాటుటకు
ఘనుడని పలికేను జాంబవంతుడు// సుందర //

5. తన శక్తేమిటో తేలియనివాడు
ఇతరులు చెబితే గ్రహించువాడు
అంజలి తనయుడు కొండంతాయెను
అమ్మనువెదకుచు సంద్రము సంధించే // సుందర //

6. సాగరమందున కలిగిన ఇక్కట్ల
చురుకుగ తానూ అధిగమించెను
లంకాతీరము చేరేను హనుమ
ఆనందముగా నగరును చూచెను // సుందర //

7. భీకరకాయము అణురూపముగా
మారెను వాయునందనుడు
అడ్డగించిన నగరుదేవత
లంఖిణి నణచెను హనుమంతుండు// సుందర //

8. ఘోరాకారులు కామరూపులూ
మహాక్రూరులు లంకావీరులు
బలవంతులు మాయావులువారు
ఏమార్చుటె టులని ఆలోచించేను // సుందర //

9. తాటినిపోలిన ప్రాకారమ్ములు
రక్షణ కోసం యంత్రాంగమ్ములు
నీటితొనిండిన కోట అగడ్తలు
ఈటెలనిడిన దానవవీరులు // సుందర //

10 . వనములు విహార స్థలములు
తోరణ ధ్వజ అలంకారములు
బంగరువెండీ రత్నధగధగలు
లంకానగరి పుర సౌందర్యము// సుందర //

11. భేరి నాద వాయిద్యములు
కరిరాజుల ఘింకారమ్ములు
అశ్వయోధుల వీరంగములు
అలకించెను అంజనిపుత్రుడు // సుందర //
ఇలా 201 చరణాలతో పాటలా సాగి చివరలో మంగళం తో ముగుస్తుంది .పూర్తిగా చదవాలనుకునేవారు
సుందరకాండ పుస్తకం చూడండి

కవితా స్రవంతి

హింస

రచన :- పి .పద్మావతి శర్మ .ఎం .ఎ . తెలుగు పండిట్ .
రచయిత్రి ,గాయని ,ఆద్యాత్మిక ప్రవచకురాలు .



అంత్య దశలో నన్నొదిలి వెళ్లిందని కుమిలి పోయేకంటే
యవ్వనంలో నీవు పెట్టిన హింసలు
ఒక్కసారి గుర్తు తెచ్చుకో
నీకోసం పడిచచ్చే ఆడాళ్ళగురించి చెప్పి
ఎన్ని నిద్ర లేని రాత్రులు కల్పిచావో
నీ ఆనందానికి నీ తిరుగుళ్ళకు
తన ఆరోగ్యం ఎలా బలి పెట్టావో
అందరు అందమైన వాళ్ళుగా కన్పించి
ఆమె మాత్రమె కురుపిగా ఎందుకు కన్పించిందో
ఆమె తెలివి తేటలు ఎందుకు
పెరటి చెట్టు వైద్యం అయ్యయో
ఆమె అందం ఎందుకు
అడవికాచిన వెన్నెల అయిందో
ఒక్కసారి గుర్తు తెచ్చుకో
నాటి రోజుల ఫలితాలను
నేడు అనుభావిస్తున్నాని
సరిపెట్టుకో కుమిలిపో
క్రుంగిపో చచ్చిపో ----నిజంగా చచ్చిపో -----

కవితా స్రవంతి

రంగుల వల

రచన :-పి .పద్మావతి శర్మ .ఎం .ఎ .తెలుగు పండిట్ .
రచయిత్రి ,గాయని ,ఆద్యాత్మిక ప్రవచకురాలు .


ఆడదానికి ఆడది
అసలే శత్రువు కాదు
తండ్రి వలన తల్లికి
అన్నదమ్ముల వలన
వదినా మరదళ్ళకు
బావామరుదుల వలన
అక్క చెల్లెళ్ళకు
భర్త వలన
అత్తా ఆడపడుచులకు
బావ మరిదిగార్ల వలన
తన తోడికోడళ్ళకు
కొడుకుల వలన కోడళ్ళకు
శత్రువులు అవుతారేకాని
ఆడడానికి ఆడది
అసలే శత్రువుకాదు
మగవాడి వలన మాత్రమె
ఆడదానికి ఆడదే శత్రువు అవుతుంది
అది మంచిగాకాని చెడుగాకాని

కవితా స్రవంతి

రచన :-పి .పద్మావతి శర్మ .ఎం .ఎ . తెలుగు పండిట్ .

రచయిత్రి ,గాయని ,ఆధ్యాత్మిక ప్రవచకురాలు .

తండ్రికి కూతురిగా

అన్నకు చెల్లెలిగా

తమ్ముడికి అక్కగా

మొగుడికి పెళ్లంగా

కొడుక్కు తల్లిగా

మనమడికి నానమ్మగా

ఆడదానిగా పుట్టాను

మమతలకు లొంగిపోయాను

మనసు చంపుకున్నాను

అలుసై పోయాను

ఉనికిని కోల్పోయాను

కట్టెగా మిగిలాను

ఎవరికీ అక్కరలేకపోయాను

ఎందుకు పనికిరాకపోయాను

కవితా స్రవంతి

కన్నీటి మరకలు

రచన :- పి .పద్మావతి శర్మ . ఎం .ఎ . తెలుగుపండిట్ .

రచయిత్రి , గాయని ,ఆద్యాత్మిక ప్రవచకురాలు .


కామధేనువుగా పుట్టివుంటే
దేవేంద్రుని వద్ద ఉండేదాన్ని
పూజలందుకునేదాన్ని

పారిజాతమై పుట్టివుంటే
విష్ణుపాదాల చెంత ఉండేదాన్ని
పూజ చేసేదాన్ని

ఆకుగా పుట్టివుంటే
అందరికి ఉపయోగ పడేదాన్ని
ఆనందంగా ఉండేదాన్ని

చెట్టుగా పుట్టివుంటే
పొయిలో కట్టెగా ఉండేదాన్ని
పేదవాడికి ఉపయోగ పడేదాన్ని

పుట్టగా పుట్టివుంటే
చీమలకు ఆవాసమై ఉండేదాన్ని
నాగులకు నిలయమై ఉండేదాన్ని

పక్షిగా పుట్టి వుంటే
కుహు కుహు రాగాలు తీసేదాన్ని
అందరికి ఆనందం పంచేదాన్ని

కుమ్మరి పురుగుగా పుట్టివుంటే
నేలను తవ్వేదాన్ని
రైతుకు మేలుచేసేదాన్ని

కాని ఆడదానిగా పుట్టాను
పురుషాహంకారంలో క్రుంగాను
ఏమి కాలేనిదాన్ని అయ్యాను

పాటల స్రవంతి

రచన:- పి .పద్మావతి శర్మ .ఎం .ఎ . తెలుగు పండిట్ .
రచయిత్రి ,గాయని ,ఆధ్యాత్మిక ప్రవచకురాలు .



వచ్చేది చైత్రరధం
తెచ్చేది శుభప్రదం !!వచ్చేది !!
పలుకుదాం అందరం
స్వాగతం సుస్వాగతం !!పలుకుదాం !! !!వచ్చేది !!
జనమంతా ఒక్కటిగా
మనమంతా ముచ్చటగా !!జనమంతా !!
యాత్ర సాగిస్తూ
పలుకుదాం జయాలను
తెలుపుదాం శుభాలను !!వచ్చేది !!

పాటల స్రవంతి

సాయిబాబా

రచన :- పే .పద్మావతి శర్మ ఎం .ఎ. తెలుగు పండిట్
రచయిత్రి ,గాయనీ ,ఆధ్యాత్మిక ప్రవచకురాలు

శ్రీ గురు దత్తుడే సాయినాధుడు
మనకందరికీ ప్రేమపాత్రుడు !! శ్రీ గురుదత్తుడే !!
బాబా అంటే పలికేవాడు
కోర్కెలుతీర్చే దేవుడే ఇతడు !!బాబా !!
!!శ్రీ గురుదత్తుడే !!
మరాఠా రాష్ట్రాన షిరిడి పురమున
నింబా వృక్షపు నీడలలో !!మరాఠా ! !
ఎండకు ఎండి వానకు తడిసి
జనులందరికి జ్ఞానము పంచిన !!ఎండకు ఎండి !!

!!శ్రీ గురుదత్తుడే !!
!తల్లి తండ్రి గురువు దైవం
అల్లా మాలిక్ అనియెడివాడు!!తల్లి తండ్రి !!
పిల్లలందరితో ఆటలాడుతూ
జగన్నాటకం ఆడేవాడు !!పిల్లలందరితో!!
!!శ్రీ గురుదత్తుడే !!

పాటల స్రవంతి

సాయి నాధుడు
రచన :- పి. పద్మావతి శర్మ . ఎం .ఎ .తెలుగు పండిట్ .
రచయిత్రి ,గాయని ,ఆధ్యాత్మిక ప్రవచకురాలు .

సాయి చరితం రసభరితం
విననివారికి ఫలరహితం !!సాయి చరితం !!
సాయినామం ముక్తికి మార్గం
బాబా పలుకే బంగారం !! సాయినామం !! !!సాయిచరితం!!
నీటితొ దీపాలు వెలిగించి
జనులకు జ్ఞానం కలిగించి !! నీటితొ !!
పాపాత్ములను రక్షించే
దేవుడు నీవే బాబా !! పాపాత్ములను !! !!సాయిచరితం !!
అందరి బాధలు తానూ భరిస్తూ
భక్తుల కోర్కెలు తీరుస్తూ !!అందరి !!
ద్వారకమయినీ ఆనందమయిగా
మార్చెను బాబా ప్రభువు !!ద్వారకమయిని !! !!సాయిచరితం !!